| نــوٍوٍوٍوٍنــي's profile...][...يــاراحــتــي مـ...PhotosBlogLists |  Tools  Help |
|
...][...يــاراحــتــي مــتــى لــقــيــاك...][...::إذا كــانـ لـلــجــنــونـ ديــرهـ فــ آنــا الــعــاصــمــهـ::
7/24/2006 حل ثاني لتعليق السبيساتالسلام عليكم ورحمة الله وبركاته
قبل فتره طويله نزلت موضوع عن الحل لتعليق السبيسات
وهو عباره عن تنزيل متصفح جديد باسم
][Mozilla Firefox][
واغلب الي استخدموه استفادوا لكن المشكله كانت في الاشخاص الي مايملكون
سبيسات أو ماعندهم علم بالمتصفح هذا فقلت زيارتهم لسبيسات
وكثير كانوا يشتكون من النقطه هذي
لكن قبل اسبوعين وانا اتصفح السبيسات لقيت سبيس
حاط حل لتعليق السبيسات غير فكرة المتصفح الجديد
][Mozilla Firefox][
والحل هو حذف خاصية المعلومات الشخصية profile
انا بصراحة ماجربت الطريقه بس لان في اكثر من شخص كانوا
يبحثون عن حل ثاني لتنزيل متصفح ][Mozilla Firefox][
فحبيت انقل الحل هنا وان شاءالله الكل يستفيد
اول خطوة انك تروح لكلمة ][Customize ][
بعدها بتفتح لك صفحة ثانية اضغط على كلمة ][Modules ][
بتنزل لك قائمه اختار ][ Profile ][
وبتنحذف الخاصية واضغط بعدها ][ Save][
ولو كنت مغير الاعدادت بالسبيس راح تلقى كلمة ][ Profile ][
جنبها علامة صح شيلها بس واحفظ الاعدادت وبإذن الله بتنحل المشكلة
وعشان الأمانة العلمية ومراعاة النقل بذمة وضمير الطريقة منقولة من سبيس
طلال ][ ابو قوقل][
3/15/2006 مـسـاحـهـ آعـلآنـيـهـ بـالآشـتـرآكـ مـعـ بـوحـهـالسلام عليكم ورحمه الله وبركاته
 عاملين ايه كويسن؟؟بلوقي اليوم هو اعلان عن سبيس قاضي من زمان بس للأسف مالله كاتب له
يحصل على الشهره الي يستحقها لان صاحبه نايم على بيضه  ومو راضي يتحرك ويبي العالم تجيه لين عنده شلون تجي ذي ماأدري بصراحه  ففكرت  وفكرت وفكرت وفكرت وآخيراً جاتني فكره  وهي كتابة بلوق واعلن فيها عن سبيسه ولحد يقول ليه وماله داعي....كيفي سبيس وحره فيه اسوي الي ابي واكتب الي ابي  وفكرت البلوق ابتدت لما جاني بالمسن ومعصب وزعلان بــوحــه:
 نــوٍوٍوٍوٍنـي نــوٍوٍوٍوٍنـي : وش فيك؟؟
 وش صاير لك؟؟انا قلت الرجال فيه شي
ولا انا مسويه شي مخليه يعصب علينشف دمي والشيطان قام يودي ويجيب بالافكار بعقلي  وسألني بكل عصبيه بــوحــه: ليه مااضفتي سبيسي بقائمة السبيسات عندك انا يوم شفت رده ارتحت واخذت انفاسي حسبي الله على عدوه روعني احسب فيه شي
 فرديت عليه بعدها بكل برود نــوٍوٍوٍوٍنـي:انت اصلا ماطلبت مني ولا اضفتني عندك؟
بــوحــه:واذا يعني؟؟
اضيفيني وخلاص ابي سبيسي ينشهر من زمان مسويه ومحد حوليالـرجال حاس ان مواهبه مهدوره ومحد مقدره وعارف قيمته...
 بس تبون الصدق انا رحمته لاني لما اكتب موضوع بالسبيس وماشوف رد انحبط  شلون هو الي مسكين من سوا السبيس الردود عنده ماتعدت الـ20 رد والعداد عنده يادوب500 زائر وياعالم عطوا سداح فرصه
 حرام سبيسه مو اقل من غيره بالبلوقات من جد مهستر ومهبول بس محتاج احد يقدر مواهبه فـبــلـيـز زوروه وارفعوا من معنوياته اخاف بكره يسوي بنفسه شي  والسبب الاكتئاب الي صابه من روى السبيس وبس خلص البلوق الكل يضغط على الرابط ويخش ويكتب له رد سلاااااااااااااام  لزيارة السبيس اضغط هنا 2/20/2006 .:السلام عليكم ورحمه الله وبركاته اخباركم ان شاء الله بخير؟؟ واخبار الاجازه الطويله عسى امداكم تسافرون فيها وتنسون عنا الاختبارات؟؟  واخبار سبيساتكم بعد التحديثات ؟؟ عسى الاصابات خفيفه؟ وعسى مافي وفيات؟؟ انا عني سبسي حلف مايفتح ابدا....وكل ماجيه اراضيه يقول ابداً  مارضى وماني فاتح لو تنطبق السما على الارض  ..احاول واجيب واسطات ومافي فايدهوفكرت اكنسل السبيس بكبره واحذفه بس ترددت...وقلت بتفتح سبيس ثاني وانقل المواضيع فيه وهم استصعبت الموضوع لين طحت لكم على منتدى وشفت حاطين موضوع بعنوان "حل لمشكلة تعليق السبيسات" ويوم قريت الموضوع لقيت الحل واطبقه بحذافيره وربي هدى سبيسي فوراُ وفك  وقدرت اخش واتجول فيه بكل حريه وسهوله مو مثل قبل افتح الصفحه ثلاث ساعات واخلص شغلي بالنت واطلع والسبيس مافك معلق وزعلان علي والحل هو انك تنزل متصفحه ثاني اسمه "Mozilla Firefox" Internet Explorer ولا تخافون مافيه اي ضرر على متصفح المتصفح الجديد راح يكون مساعد للمتصفح هذا واضافي وماراح تستخدمونه الا اذا جيتوا تخشون السبيس صحيح ان اللغه في القوائم والايقوانات ماهي ذاك الزود والحروف شوي طايره بس صدقوني راح تشوفون الفرق اذا كان سبيسك او سبيس شخص ثاني يعلق وراح يفك معك بسرعه وماراح تنتظر ساعات عشان يفك التعليق حتى لو كان السبيس مليان مواضيع كثيره وخلفيات صوتيه وصور عموما مابي اطول عليكم بالكلام راح احط الرابط هنا وانت خشوا ونزلوا المتصفح وثبتوه وراح تشوفونه على سطح المكتب لتحميل المتصفح اضغط هنا واتمنى يضبط معكم وانتظر ردودكم سلام 1/22/2006 !!هـذرهـ..مـالـهـا سـنـعالسلام عليكم ورحمه الله وبركاته
يااااااااااه من زماااااااااااان ماكتبت بلوق..
 وماني عارفه اصلا وش اكتب ولا لي نيه اكتب بس العالم تقول ليه السبيس فاضي من زمان مانزلتي شي جديد
 ولذلك بناء على طلب الجمهورالكريم قررت انزل بلوق جديد**
 اي جمهور الي يرحم والدينك محد حولك العالم اختبارات**وبحاول اطقطق بكم كلمه والله يستر من الي بيطلع معي
اول شي بسرد قائمه التبريكات
.
.
.
اول تهئنه بهني بالعيد بعد الزحمة والحوسه
واقول لكم
 وثاني تهنئة وهي التهنئة المهمه والي ماكتبت بلوق الا عشانها
وهي
.
.
اهني نفسي اولا والعالم ثانياً
بنهاية الفصل الدراسي الاول الي ماصدقت على الله يولد
 **ينتهي عشان محد يروح فكره بعيد**
العالم خلصت وبدت سنه جديده وحنا تونا مابعد نخلص من الترم الاول
...
 وكل شوي اجازه وكل شوي اختبارات ياهي معانااااااااااااه من قلبولا احلى من كذا الاجازه الي بين الترمين اسبوع...ليتهم شابكينه احسن مانبي اجازه
ملينا من الاجازات بين الترم الاول.. خلاص ابي السنه تخلص ياعالم ماصارت
والبرد مسوي بلاوي فينا مادري وش صاير السنه تقول عايشين بالاسكيمو
ماغير ماقابلين الدفايه ونمشي تقول دببه من كثر الملابس ياربييييييييييييه
وهات يااكل تقول في مجاعه ونوم ومن نحس بالدفا
 مافي امل نتحرك عشان مانحس بالبرد...يازين الصيف بس والشمسبس تدرون وش احلى شي؟؟!!
  ان بكره اخر يوم بالاختبارات عندي واجازتي بتدأ
وبرتاح ثلاث اسابييييييييييييييييييع ياربيييييييييه من قدي
  ونااااااااسه لما تصير فاضي وماوراك اختبارات...
والبيت كله قايم وقاعد... مذاكره
 وحوسه وخوف وتوتر وسهر وانت لحالك فاضي...التلفزيون يكون لك لحالك
 ...والنت يكون رايق ومافيه زحمه ومحد يحن فوق راسك ذاكر ..راجع..ركز..اترك التلفزيون واللعب وذاكر..
وتنام وقت ماتبي وتصحى وقت ماتبي
 ماتحاتي شي ولا خايف من شي..بس الخوف من النتايج الله يستر منها ..
والله يصبر طلاب المدارس على الاختبارات ويوفقهم
.
.
.
 وبس خلص البلوق وتم بحمدالله وعونه سلاااااااام12/19/2005 بـسألـكـ يـادنـيـا ابــسألك يا دنيا...؟
ليــــه الأمانة بالقلوب في زماننا تحتضر ..! وليــــه المحبة والمودة تنداس بأقدام البشر ..! وليــــه الصداقـــة ذابلة ومن الخيانة لا مفر ..! ولامن زرعــت الخيـــر في الدنيا يحاصرك الخطر ..!
. . . ابســـألك.... ياا دنيــــــــاا ..؟ ليــــه التفاؤل والفرح يبقى ثواني ما يدوم ..! ليه العيون الخايفة ..! وبعض المشاعر زايفة ..!
. . . ابســـألك....ياادنيــــــــــاا..؟ لين آخر هالعمر .! حتى الصبر مل واختار السفر ..! وما بقى إلا الهموم ..! مكتوبة لك طول الدهر ..!
. . . ابســـألك.. ... ياادنيــــــــاا ..؟
دامك الدنيـــا..ابسألك ..!! يمكن ألقى منك جواب أو يمكن بس أفهمك أني تعبت من الهموم وكل جرح من جروحي يعلمك ...! انه تعود علـى العذاب
. . . وابســـألك....ياادنيـــــــــاا ..؟
ليــــه في كل ابتسامة ألقى أمامي دموع ..!! وكل دمعة من دموعي تطفي شمعة من الشموع ...! وليــــه أرحل دام همي هو همي ...! ما يتغير وما يزول ... حتى لو حل الفرح هو ثواني ما يطول ..!
. . . ابســـألك.... ياادنيــــــــــاا..؟ لكل سؤال وكل عتاب ....!!
. . . ابســــــألـــــــــــــــــــــــــك ... ؟؟؟؟؟ فهمينــــــــــــي.. !!! بس سؤال وصارحيني.....كل الناس مثلي أو أنا وحدي.....همومي تسري فيني . . . جاوبيني.. يا دنيـــــــــاا ...!
كأنك تعرفين الجواب...
**ماعرف مين صاحب الخاطره**
12/7/2005 كرهي الدفين للطبخ... واقترانه بكرهي لحميّد
السلام عليكم مساء الخير
اليوم بكتب عن قصة من حياتي المميزه والمليئه بالاثاره والتشويق ((ايه هين افلقيني
وراح ابتدي بكرهي الدفين للطبخ والمطبخ الي مادري متى بتخلص منه احس ناشب لي بكل مكان
طبعا بداية كرهي للطبخ كانت من اليوم الي بدت فيه امي تقولي الغدا عليك اليوم ولما اعترض واقول مابي اطبخ ترد علي بكل براءه وطيبه وحنيه...انتي بنتي الكبيره وودي اذوق اليوم من ايدك
والسبب الثاني هو ان الاكل اخر اهتمامتي ومايشكل الا الهامش بحياتي يعني ممكن استغني عن الاكل طول اليوم لو انشغلت بأي شي ويكفيني باليوم وجبه وحده
طبعا اليوم زاد كرهي للطبخ اكثر واكثر وكل هذا بسبب حميّد فتى الرياض الملثم الي اتمنى احد يناولني اياه واصفقه من كثر ماني حاقده عليه وصرت اكرهه من كل قلبي..
وتبدا احداث القصه المثيره ان اليوم اربعاء ومافي دوام وجلست بدري وطبعا بحكم ان البيت فاضي قلت بخش النت
حميّد: نـووووني
رديت عليه وبكل برائه نـوووونـي: ماعندي شي فاضيه وماعندي دوام قلت بحوس بالنت شويات
قالي بلكنة استهزاء واستهبال كالعادة
حميّد: طيب ليه ماتقومين تزينين الغداء
طبعا هنا انا انصدمت من كلمته نووووني: حميّد
سكت شويات وبعدها رجع قالي بكل برائه حميّد:نووووني قلت يناديني بأدب ويحط وجه رسمي حميّد:الله يخليك قومي زيني الغدا
هنا انا انقهرت وتوني برد عليه الا سمعت صوت امي وهي تسال اخواني عن اختباراتهم قلت عسى ماتقولي وتوني بنزل صفحة المحادثة الا امي تناديني وتقول نوووني قومي يالله ..طبعا انا احسبها تقول قومي طفي النت طولت عليه...
قلت لها خلاص بقوم اصلا اطفيه قبل تجين قالت: لا قومي المطبخ يناديك
واعصب على حميّد واقوله شفت هذا هي جاتني تقول اطبخي الغدا بذبحك طبعا هو قام يضحك علي وفرحان الاخ على الاخر ويقولي ايه هذي الشاطره تطبخ الغدا وانا مقهوره واطفي النت واروح احاول فيها انا تعفيني من الطبخ اليوم لان مالي خلق اطبخ ((متى صار لي نفس اطبخ اصلا)) يامي تكفين مابي اطبخ ياامي خلي غيري يطبخ قلت بسوي حالي زعلانه عشان ماتخليني ومافي فايده وبالنهايه رحت المطبخ وانا مقهوره
وطبخت الغدا وكل من دخل علي مارد عليه مسوي فيها زعلانه عشان ابي احد يحس يطبخ بدالي بس للأسف طبخت الغدا وحطيته لهم وماحد جا ساعدني ومن هذا اليوم اعلنت كرهي لحميّد وماراح اسامحه ابداً على الي سواه فيني اليوم 11/29/2005 عدت لأسباب أمنيهالسلام عليكم ورحمه الله وبركاته
رغم اني قررت اني اوقف الاضافات بالبلوقات لفتره
وابتعد شوي
 لكن اليوم قريت خبر وهزني وخلاني اضطر افك الحصار عن السبيس
واكتب بلوق جديد
 الموضوع طبعا عن ضبط 26شاذاً في فندق بالامارات في ابو ظبي بالتحديد
!!!طبعا وش مجمعهم؟؟ يبون يعرسون
طبعا الي يبقرى العنوان بيقول مو شي جديد ولامهم
لان الخبر صار حاجه عاديه وياكثر ماسمعنا به
وهذا بسبب التبلد الحسي الي وصلنا له واعتيادنا على الخبر هذا
الي صار منتشر الحين بين الجنسين
بعد ماكنا نسمع قصة قوم لوط وتقشعر أبدانا ونحس بالغثيان
وعدم قدرتنا على تخيل الوضع الي كانوا هم فيه
بس الي خلاني اكتب البلوق هو القرار الي اتخذته الامارات تجاه الحاله هذي
الي اتمنى انه يكون قرار صحيح ومايكون مجرد فبركة صحفية لشد اكبر عدد من القراء
:والقرار هو بحطه بالنص
وقال العقيد نعيم السيار لوكالة رويترز للأنباء ان الاجانب سيرحلون على الارجح بينما سيخضع رعايا الامارات المحتجزين في العاصمة ابو ظبي لعلاج هرموني يزيد في الاغلب من انتاج هرمون التستوستيرون الذكري، وصرح السيار بانهم سيتلقون علاجا نفسيا وطبيا واجتماعيا. وسيعطى بعضهم هرمونات ذكرية لان البعض تناول بالفعل هرمونات انثوية.
هذا القرار الي اتخذته الامارت تجاه الشواذ الي عندها وياريت يتطبق بكل دوله اسلاميه
لان حبسهم وجلدهم موكافي
ورغم ان هذا مو حل جذري للمشكله بس بيخفف جزء منها
لان ترك الفئه هذي بدون معالجه راح يزيد المشكله
ولان الي الان العالم موراضيه تعترف بوجود مجموعه من المجتمع يعانون من المشكله هذي
وبنفس الوقت مو محاوله تعالجهم او توعيهم
والمجتمع منقسم الي قسمين
قسم ينكر وجودهم
وقسم حاس بس صاد عنهم ومتخذ موقف المتفرج فقط
وهذا مو حل هذا يكبر المشكله ويخلينا نعاني منها اكثر
والحوادث الي زي كذا جالسه تزيد يوم عن يوم
وهذا طبعا بسبب العولمه الي مانادري وش بيجنيا من وراها
ولا امريكا تندد بقرار الامارات موعاجبها ليه؟؟
!!!لان هذا في خرق لحقوق الانسان
ماقول غير حسبنا الله ونعم الوكيل في كل من فيه الشر
والله يستر علينا وعلى عيالنا يارب
ويرد كيد كل حاقد بنحره
المصدر
**قناة العربية**
ولقراءة الموضوع كامل
11/20/2005 آخر آخـبـاريـمساء الخيراتاخباركم وش مسوين؟؟مر اسبوعين على اضافتي للبلوق القديموماني عارفه وش اضيف او بالعربي مالي خلق اضيف شيلان احس بالي فاضي ومابي افكر((ابد ماني زوله ولله الحمد
|
|||||||||||
((ايه هين ودك تذوقين من ايدي الا قولي يازين الراحه)) يعني ماصير البنت الكبيره لما يجي موعد طبخ الغدا ولا في الاوقات الثانيه مافي فرق بيني وبين اخواني
بشيك على سبيسي وبزور كم سبيس بحكم ان المسن بيكون فاضي وكل العالم مشغوله وظليت طبعا على النت من
وش عندك على الظهرية بالنت؟؟
وقلت له
اسكت عني ولاتجيب طاري طبخ الغدا الحين تجي امي وتقول قومي اطبخي الغدا وانا ماحب المطبخ
قلت الولد يبي يطلب شي
))
))
ولعب
بس مابي ادرس
***ليت الليالي كل ابوهن ربوعي
|
تـخـيّــل
أن لك وردهـ يمكن هي مو ملكك..بس أنت الي مراعيها..
كنت النور لظلمتها.. بدمع العين مسقيها.. جرح شوكها يدك.. ودمك معلم فيها..
وجاء أنسان يقطفها..
"أكـيـد" بتموت من قهرك.. خذاها و أنت راعيها..
كلمات اعجبتني حبيت انقلها لكم
بقايا إحساس |
ღ♥ღ...أشتاق لجراحه...رحــلღ♥ღ
رحل اشتاق لجراحه
رحل
اشتاق لجراحي ... رحل
يحق له طيبتي ماتحتمل
قليلة في وقت الهموم
ما كنت اعاتب أو ألوم
يحق له ما يحتمل .. هذا الملل
اسدلت أيامي لعناده
حبيته في قربه .. وبعاده
متعبه هذي السعادة
رحل اشتاق لجراحه...رحل
الـي رحـل..
من علمه يهجر...
اذا غطى الفرح كل الزوايا
من علمه يهجر...
اذا صار الوفا نبض وحنايا
من علمه...
يتلاعب بروحي
من علمه...
يمشي على جروحي
من عمله...
يقتل في ايامي الامل
من علمه...
الي اشتاق لجراحه...ورحل
يـاسـيـدي...
اقسى مافي الي بيجي..
ماهو العذاب الي ابتدى...
ولا الصدى الي خذى مني نداي...
ولا غروبك عن سماي...
اقسى مافي الي بيجي...
كل الحكي والاسئله... متى رحل؟!...وليه رحل؟!...
ولا تعابير الاسى على الوجوه الصامته...
ولا العيون الشامته...
ولا العذول الي يقول: الي حصل ماهو غريب...
والي يقول: ماكان يستاهل يكون اغلى حبيب...
يـاسـيـدي...
اقسى مافي الي بيجي
هذا كل الي حصل...
رحـــل
**عبد الرحمن بن مساعد**
ღ♥ღكل عام وانتم بخيرღ♥ღ
واتمنى لكم صيام مقبول وذنب مغفور...
السفره المليانه من اولها لين اخرها تقول عندهم عزيمه لخمسين شخص وافراد العيله كلهم 6 ان كثروا وصلوا 8 اشخاص واغلب الاكل بعد الفطور يرمي بالزباله _الله لايعاقبنا_ ولا قلت لهم ليه قالوا الصايم دايم يشتهي ياكل بعينه ولما تسالهم ليه ماتخلونه بثلاجه لين ثاني يوم يقولون لك حنا ماناكل اكل بايت
سالفه الفطور الي يحط كله مع بعض ولا اقامة صلاه المغرب محد يقوم من على السفره عشان يصلي بالمسجد يقول انا بحضرة طعام مايجوز اقوم.. طيب مافي داعي ينحط الفطور مره وحده اول مايذن اشياء خفيفه وبعد الصلاه بقيه الاكل
مقابل التلفزيون اربع وعشرين ساعه تقول كأن رمضان للتفلزيون والمسلسلات والبرامج الترفيه ومحد يفكر يصلي التراويح ولا احد يفكر يقرى قرآن لو شوي بس..طيب ماعليه طالع التلفزيون بس بعقل مو بجنون تقول كان الي بيدخله الجنه هو التلفزيون_ استغفر الله_
العشر الاواخر الي دايم الحريم يقضونها بالسوق من يخلصون صلاه العشاء لين يذن الفجر _ الأ من رحم ربي_ تقول بتجهز لعروس مو تقضي للعيد ترى الدعوه ماتستاهل كل هذا كلها يومين ثلاثه بالكثير بمعدل في اليوم ساعتين وبتقدر تقضي للعيد وربي ساعات احس ان السوق مكان لتمشي والترفيه عن النفس من كثر ماشوف العالم الي تجي فيه وتجلس لين يذن الفجر...
وكل الي بيدي ادعي الله انه مايسلط علينا عقوبته بالافعال هذي واتمنى ان الله يتوب علينا ويغفر لنا جميع خطيانا.. اللهم آمين...
ღ♥ღ!!الأعلام العربي...ورمضان يجمعناღ♥ღ
هذا الإعلام لا تنشط برامجه البذيئة، ومشاهد الفحش على شاشاته إلا في رمضان: إعداداً، وتنسيقاً، وتخطيطاً، وبذلاً للأموال، وحشداً للطاقات؛ من أجل التنافس على كسب الجمهور، وتوسيع دائرة المشاهدين، وجذب المعلنين بطريقة تتعارض مع خلق المسلم في رمضان.
من كان قبلنا يترك العلم ويتفرغ للصلاة وقراءة القرآن، وهذا الإعلام يكرس طاقاته ليصد المسلمين عن ذكر الله وعن الصلاة. من كان قبلنا يجتهد في رمضان، وإذا انسلخ تركوا ما كانوا عليه من اجتهادهم في الطاعة والعبادة فجاءهم التقريع والتوبيخ والتأنيب:(بئس القوم لا يعرفون الله إلا في رمضان)، فكيف بمن يجتهد في المعصية، ويوسّع دائرة الإثم في رمضان؟ هل يكفي التقريع والتوبيخ بمفردة الذم (بئس)، أم يُؤخذ على أيديهم، وتُكمّم أفواههم، ويُقطع دابر برامجهم جزاءً وفاقاً؟!
إن المشاهد هو قطب الرحى في العملية الإعلامية، فإليه تتوجّه الوسيلة الإعلامية ببرامجها، وإليه يتوجّه المعلن برسالته الدعائية عن سلعته ومنتجه، وهذا المعلن هو المموّل لبرامج الإعلام، وعليه أن يقول كلمته الفصل في هذه المأساة الإعلامية التي تتكرر كلما جاء رمضان، عليه أن يتعامل مع الرسالة الإعلامية بطريقة ترقى إلى هويته واحترام دينه وعقيدته، وألاّ يكون مشاهداً سلبياً يستهلك كل ما تقذف به الآلة الإعلامية من برامج رديئة، تقدح في المعتقد، وتنتقص المروءة وتثلم الخلق.
إعلام اليوم حر لا يخضع لرقابة دولة أو سلطة حكومة، لكنه بالتأكيد يتأثر بتفاعل المشاهد معه، وحتى يحدث المشاهد التأثير المطلوب على توجهات الوسيلة الإعلامية وبخاصة في رمضان عليه أن يتعامل مع هذه الوسيلة بوعي ومسؤولية، وله في ذلك طرائق شتى، أهمها:
إعلان المقاطعة، والمشاركة في الجهود الرامية لوقف التشويه الفكري لثقافتنا، أو التعريض بالمسّلمات في ديننا، أو تكريس العهر والفجور في مجتمعاتنا.
وإن من ملامح ضعفنا وانهزامنا الحضاري أننا أفراداً أو جماعات لم نعد نملك القدرة على الفعل رفضاً أو تأييداً، واكتفينا بممارسة "الفرجة" أو في أحسن الحالات ممارسة فعل التأفّف أو الامتعاض، لكن التحدي الإعلامي الذي يحاصرنا اليوم وتزداد وتيرته في رمضان لا مكان فيه للمتفرجين.
د. محمد بن سعود البشر
23/8/1426 __27/09/2005
عجيب لمن يغسل وجهه مرات في النهار...ولا يغسل قلبه ولو مرة واحدة
لا تدع لسانك يشارك عينيك عند انتقاد عيوب الآخرين فلا تنس انهم مثلك لهم عيون والسن
أعقل الناس أعذرهم للناس
أغنى الناس من قنع بما تيسر له
أكثر الناس كذباً من يكثر الحديث عن نفسه
الأعمى لا يرى نفسه
الخيل أعلم بفرسانها
الكلمة الطيب تجد مكاناً في كل قلب
الكلمة ليست سهماً لكنها تخرق القلب
إن المباني تحكي همة الباني
خير لك أن تكون مغفلاً من أن تستغفل غيرك
ضربة اللسان أسوأ من طعنة الرمح
لا تنظر إلى الإبريق بل انظر إلى ما فيه
من أعطى وقت الحاجة ، كانت عطيته مضاعفة
][قصيدة أعجبتني][
ودها تشكي00 وتشرحلي الظروف00 والحيا عيا عليها تشتكي
لين انا حلفتها بذيك الحلوف 00قلت قولي لي دخيلك اش بكي
قالت وتوصف خجلها والكسوف00 قالوا العذال وافهم ياذكي
قلت في قلبي بنا حبك رفوف00 اتركي حكي العواذل اتركي
قالت من الناس مااشعر بخوف 00ودي اسمع منك 00واعرف مسلكي
قلت حب الناس لو يجمع بجوف00 مايجي ربع احساسي بكي
لو رمال البحر وامواجه حروف00 وصف حبك مايعبر به حكي
آبي نـظـرة
ابي نظره 00 ابي كلمة 00 ابي همسة من اشفاتك
ابي قربك 00 ابي وصلك ابيك تحن يا قاسي
ابيك اتحن لو مرة 00 انا مليت قسواتك
تحملت العذاب ولا انحني لك بالهوي راسي
ابي يشرق سنا شمسك 00 قليلة حيل طلاتك
ابيك اتصير لي دايم مثل ظلي يا اعز ناسي
ابي اسمع سواليفك 00 حقيقة اشتقت ضحكاتك
عسي لا زلت تذكرني اخافك ساهي ناسي
عسي درب المواصل ما تعثر فيه خطواتك
تجيني كلك من اقصاك تداوي الجرح وتواسي
عسي مركب غرامي يوم يبحر في محيطاك
تصير الساحل المأمون ابدد فيك هوجاسي
علي كثر الخطا منك عفيت لكل زلاتك
تحملتك بما فيه الكفايه ولا انكسر باسي
انا عندي امل في يوم تجيني كلك ابذاتك
احس انك تناديني علي الله يصدق احساسك!
تكلم 00 قول 00 خبرني علامه طول اسكاتك ؟
انا ما كنت متوقعه تكون ابـ هالشكل قاسي
Send a private message
Tell a friend
Add to your network
Weather |
|
Loading...
|
|
|
